ஒரு நாளைக்கு மூன்று லட்சம் வாங்கும் பரோட்டா சூரி!!
வெண்ணிலா கபடிக்குழு படத்தில் காமெடி கேரக்டரில் அறிமுகமானவர், பரோட்டா சூரி. அந்த படத்தில், 50 பரோட்டாக்களை சளைக்காமல், வெளுத்து கட்டியதால், அவரின் பெயரே, பரோட்டா சூரி என்றாகிவிட்டது.
குறைந்த சம்பளம், பந்தா இல்லாத நடிப்பு என்ற பிளஸ் பாயின்டால், சந்தானத்தின் கால்ஷீட் கிடைக்காதவர்கள், பரோட்டா சூரியை மொய்க்க துவங்கினர்.
வருத்தப்படாத வாலிபர் சங்கம் படத்தில், படம் முழுவதும் வந்து, இவர் செய்த காமெடி, ரசிகர்களின் ஆதரவை பெற்றது. இதனால், இப்போது, பரோட்டா சூரியின், கால்ஷீட் டைரி நிரம்பி வழிகிறது.
இதைப் பயன்படுத்தி, தன் சம்பளத்தையும், அதிரடியாக உயர்த்தி விட்டாராம், அவர்.
முதலில், ஒரு நாளைக்கு, ஒரு லட்சம் ரூபாய் வாங்கி கொண்டிருந்த அவர், இப்போது, தயாரிப்பாளர்களிடம், மூன்று விரல்களை நீட்டுகிறாராம்.